Пресс-центр

Сывлăха упрасчĕ, ватăличчен пурнасчĕ

Юлашки çулсенче этемлĕх сывлăх енчен хавшаса пыни сисĕнет. Больницăна тухтăр патне вăхăтра кайсан сывалма та çăмăлрах, анчах сиплев учрежденине утма васкамастпăр. Акă, çулталăк пуçланнăранпа Патăрьелĕнчи тĕп больницăра туберкулезпа чирлĕ 10 çынна шута илнĕ: Патăрьелĕнчи участокран – 3, Аслă Чементен – 2, Туçаран – 1, Турхантан – 2, Шăнкăртамран – 1, Первомайски участокĕнчен – 1. Вуннăшĕнчен 8-не профилактика тĕрĕслевĕ хыççăн тупса палăртнă.

Ÿпке чирĕпе чирлесси 100 пин çын пуçне 25, 3 çынпа танлашнă. Пĕлтĕр ку хисеп 32, 6 пулнă. Шута илнисем хушшинче ытларах ĕçсĕррисем.

Этемлĕхĕн вăйлă çуррийĕ больницăна кайма, сывлăхне тĕрĕслеттерме вара пачах та васкамасть. Кăçал туберкулезпа чирленисенчен 90 проценчĕ арçынсем. Ача-пăча хушшинче Кох патакĕсене тупнă тĕслĕх пулман. Çитĕнекен ăру сывлăхлă ÿссен пурне те кăмăллă.



07 августа 2010
00:00
Распечатать
Поделиться